A máis característica festa do outono é o Magosto. Este ano parecía que o tempo quería deslucila un pouco, pero as meigas aliáronse connosco e a chuvia deu unha tregua para que a disfrutásemos a tope.
Coma sempre contamos ca colaboración de mestres xubilados do cole. Deste xeito Juan, Tino e Mon puxeron todo o seu empeño en prender o lume e asar as castañas. Pero este ano tivemos unha incorporación máis, Mari Carme Aguín tamén nos visitou e compartiu xogos cos seus alumnos/as demostrando que aínda está en plena forma.
Como ben dixemos, a xornada comezou prendendo o lume e asando as castañas.
Mentres todo o proceso se levaba a cabo os nenos agardaron realizando diversos xogos co profesorado, grazas ao cese temporal da chuvia, puidemos facelos no patio exterior.
Para repoñer forzas, nada mellor que rematar comendo as castañas asadas anteriormente, que, por certo, estaban deliciosas.
