CELEBRAMOS O MAGOSTO

O luns o tempo deixounos celebrar o noso magosto. Visitounos o "mestre asador" Juan que, para non perder as mañas, alí estuvo a remexer nas castañas ata que acadaron o punto xusto de asado. Gracias profe por seguir lembrándote de nós.
Houbo xogos, música e moitas castañas pero o máis novidoso foi que este ano contamos coa actuación en vivo e en directo de "OS XEITOSIÑOS" (e algúns artistas máis acompañantes) que a modo de pasarrúas ambientaron a festa coa súa música tradicional galega. Con todos estes ingredientes a celebración tiña que ser un éxito.

EXPOSICIÓN MANUALIDADES DE OUTONO

Coma sempre en San Tomé que se pide colaboración ás familias para elaborar algún traballo, a participación foi enorme e de moitísima calidade. Hai verdadeiras marabillas. Valoramos tamén moito os traballos que sin quedar tan lucidos vese que foron feitos polos rapaces practicamente sos.
Moitas gracias a todos.

TRABALLAMOS O MAGOSTO

Unidade didáctica de Félix Pimentel e Dolores Iglesias feita en Jclic.

RECURSOS RECOLLIDOS POLA BIBLIOTECA MESTRES GOLDAR
Adiviñas da castaña
Ditos e refráns
Máis refráns
A castaña que rebentou de risa (Conto)
A castaña que rebentou de risa (Conto e actividades para imprimir)

FESTA DE SAMAÍN - HALLOWEEN

O venres 29 celebramos en San Tomé a nosa particular festa de Samaín - Halloween.
Agradecemos moitísimo tanto ós rapaces coma as familias a gran participación que houbo na exposición de cabazas, que cada ano son máis orixinais e traballadas.







O cole encheuse de bruxas, pantasmas, vampiros e monstros en xeral...
Ademais das distintas actividades que se realizaron en cada aula, desde a área de Inglés organizáronse xogos, cancións, bailes así como a decoración dos pasillos cos traballos dos nenos. Desde Música preparáronse dúas actuacións cos rapaces de 5º e 6º que andiveron interpretando por distintos rincóns do colexio e que ambientaron perfectamente o día.

XA CHEGA O SAMAÍN......

RUTA " PASTORA - UMIA " (1º Ciclo Primaria)

O primeiro día de outubro, os nenos e nenas de 1º e 2º, collemos as mochilas coa merenda e fomos facer a ruta de senderismo “Pastora-Umia”.
Visitamos o monte da Pastora e vimos cómo o outono fai que as árbores e plantas muden o seu aspecto.
As cores das follas cambian, e, pouco a pouco caen, deixando espidas as nosas árbores.
O profe Mon explicounos un montón de cousas, e ata nos fixo unha coroa cunhas follas.
Tamén camiñamos pola beira do río Umia e vimos un corvo mariño comendo un gran peixe!
Tanto camiñamos... pero pasámolo moi ben e aprendimos moitas cousas, polo que animamos a todos os nenos e nenas a meter o bocadillo na mochila e descubrir novos camiños.
Un saúdo e ata a próxima!

VISITAMOS UNHA GOLETA (1º Primaria)

Un día as profes nos dixeron: “nenos: o día 7 de outubro, visitaremos unha “goleta” no porto de Tragove.”
Unha goleta?, que será eso?
Pois nada, o xoves os nenos e nenas de 1º, puxémonos en ruta e logo dunha longa camiñada, vimos un bonito barco chamado “Raquel C”, si, si, “Raquel C”.
Unha vez embarcamos, explicáronnos como aquel barco sucaba os mares izando aquelas veas tan bonitas e altas…
Mostráronnos os camarotes, a cuberta e ata manexamos o temón.
Cómo nos gustou esta aventura e o mellor de todo é, que agora somos auténticos grumetes!

MANUALIDADES DE OUTONO

Fai clic nestas imaxes para seguir os pasos

EXCURSIÓN Ó MUÍÑO DA SECA E EXPOSALNÉS (4º Primaria)

O 28 de Setembro fomos os nenos/as de 4º acompañados das súas titoras (Lula e Eva) e a profesora Marisa a visitar o Muíño da Seca.
Saímos do colexio ás 10 da mañá, fomos a pé recorrendo todo o paseo marítimo e disfrutando da paisaxe acompañados dun espléndido día.
Unha vez alí, a monitora Carolina explicounos moi ben como funcionaba antigamente este muíño á vez que nos ensinou as pezas antigas que estaban expostas e para que se usaban.

Despois da visita ó Museo, fomos a Exposalnés. A guía explicounos de maneira interactiva a maqueta de toda a comarca do Salnés, preguntándolle ós alumnos/as as cousas máis importantes de cada lugar (museos, ruíñas, esculturas, escritores, miradores, etc.).
Para finalizar fixemos unha visita rápida polo edificio vendo unha exposición de tapices e dúas maquetas do Pazo de Fefiñáns.
Ese día pasámolo moi ben!!

O Muíño por fóra


O Muíño por dentro (4º B)


4ºB no paseo marítimo


4ºA no paseo marítimo

BENVIDOS DE NOVO A SAN TOMÉ!

Xa estamos aquí!
Comenza un novo curso e vimos con moitas ganas e dispostos a organizar un montón de actividades que sexan do agrado de todos. Hai celebracións que non poderán faltar: Halloween/ Samaín, Magosto, Festival de Nadal, Día da Paz, Entroido, Xogos fin de curso... e outras moitas que irán xurdindo ó longo do ano.
Ademáis este curso, seguindo a iniciativa do Equipo de Biblioteca e xunto co Departamento de Normalización, aprenderemos un montón de cousas novas sobre Cambados. Haberá sorpresas seguro...!!!