EXCURSIÓN DE 5º A BAIONA E SANTA TREGA

O mércores 19 os nenos e nenas de 5,º coas súas profes, fixeron unha excursión estupenda:
 Pola mañá, visita guiada polo casco histórico de Baiona e subida á Virxe da Rocha.
 O mediodía foi o mellor: baño na praia de Baiona, a carón da Fortaleza de Monterreal; xantar e xogos.
Xa pola tarde, visita guiada ó Castro de Santa Trega, onde lles explicaron a forma de vida e costumes dos seus habitantes.
Un día completiño !!!

EXCURSIÓN DE 6º A MANZANEDA

Os nenos e nenas de 6º foron a Manzaneda de excursión de fin de curso e non imaxinades o ben que o pasaron ... fixeron escalada, béisbol, montaron a cabalo, conduciron karts, tiraron con arco, xogaron ó golf, disfrutaron na piscina e sobre todo ... BAILARON NA DISCOTECA!
Toda unha experiencia para despedir esta etapa, que seguro que botarán de menos , pero que os fai afrontar o futuro con moita ilusión.

Se queres ver as máis de 500 fotos, preme aquí

EXCURSIÓN DO 2º CICLO Á "CASA DO QUEIXO"

Os nen@s de 3º e 4º visitaron  onte “A casa do Queixo” en Sobrado dos Monxes, A Coruña.

Fixeron talleres de arxila, plantaron pementos na horta, fixeron queixo, traballaron no monte e viron moitos animaliños: ovellas, porcos, vacas, avestruces, cabalos, ponis, coellos, galos, ocas…

A que aproveitaron ben o día? 

EXCURSIÓN DO 1º CICLO A SAN VICENTE

Os nenos e nenas de 1º e 2º de Primaria foron de excursión a San Vicente do Mar (O Grove), en concreto ao cámping de Fieitás.
Nada máis chegar foron recibidos polos monitores do cámping que xa non os abandoarían durante toda a xornada.
Pola mañá fixeron actividades na praia: enterránronse, fixeron castelos, xogos e remataron cun chapuzón para quitar as areas.

Despois de comer os nenos xogaron nas instalacións do cámping.

Xa pola tarde foron ao monte para facer novos xogos e construir cabanas nas árbores.

Sen dúbida, un día divertido.

"PEER GYNT" na ESCOLA DE MÚSICA DE CAMBADOS

O venres 10 o 2º e 3º Ciclo de Primaria asistiron  na Escola de Música de Cambados a interpretación da obra "Peer Gynt". Todos disfrutaron moito da actuación e dende aquí queremos agradecerlle á ESMU a súa invitación  e animalos a seguir traballando en este tipo de actividades,  que sabemos que requiren un enorme esforzo pola súa parte.  GRACIAS.

"EL CAMINO DEL LOBO" TEATRO PARA O 3º CICLO

O luns 15 o 3º Ciclo foi a Pontevedra para ver no Auditorio de Caixanova a obra "El camino del lobo". Ó remate do teatro percorreron a zona antiga da cidade facendo un especial fincapé nas súas preciosas prazas. Disfrutaron moito da mañá

.

SAÍDA Á CORUÑA (3º Ciclo)

O mércores 30 os nenos de 5º e 6º fixeron unha saída á Coruña para visitar os Museos Científicos (Acuario, Domus e Casa das Ciencias). Aprenderon moitas cousas pero sobre todo pasárono moi ben.

Excursión a Baión e á Ruta da Auga (1ºCiclo Primaria)

O pasado venres os alumnos de 1º e 2º de Primaria realizaron unha saída didáctica. Dous foron os destinos; comezaron no Pazo Baión, onde aprenderon todo sobre o proceso de elaboración do viño. Alí disfrutaron das espectaculares instalacións que ten o Pazo, e, grazas ao labor das monitoras, non quedaron con dúbida algunha.

Acto seguido desprazáronse ata a Ruta da Pedra e da Auga, entre Ribadumia e Meis, onde fixeron un tramo da mesma na zona da Aldea Labrega. 

A continuación tedes imaxes da xornada.

SAÍDA A PASTORA COS NENOS E NENAS DE 4º

O día 20 de Xaneiro os nenos e nenas de 4ºA e 4ºB fixemos unha visita ao Monte da Pastora para estudiar un ecosistema terrestre, aproveitando que estamos tratando o tema en coñecemento do medio, observando os distintos tipos de árbores e arbustos e os animais que frecuentan este medio natural, aínda que só pudemos ver algunha pega, e algún merliño.
O alumnado levaba unha ficha para cubrir o que ían observando, e tamén fixeron un debuxo do monte.
Pasárono xenial e tivemos un día espléndido.

EXCURSIÓN Á CORUÑA (3º Ciclo Primaria)

O día 18 de Xaneiro os cursos 5ºA, 5ºB e 6ºA nos embarcamos a unha excursión inolvidable. Xogamos moito no autobús, intentabamos durmir pero co barullo non se podía. E por fin chegamos a A Coruña! Primeiro fumos a Casa das Ciencias onde estaba o Planetario, subimos e o señor falounos da Lúa , do Sol, das constelacións… Estivemos polas plantas e vimos moitas cousas curiosas. De segundo fomos á Domus onde comimos, vimos un parto, estivemos ulindo, escoitando e aprendendo cousas do corpo humano. E por último fomos ao Acuarium, vimos como alimentaban ás focas, no Nautilus vimos tiburóns. E xa para casa.

"SPINDERELLA" teatro en inglés (2º Ciclo Primaria)

O luns 22 os nenos do 2º ciclo fomos a Pontevedra a ver a obra de teatro en inglés "Spinderella" no Auditorio de Caixanova. Foi moi divertida. Ó rematar aproveitamos para dar un paseo pola zona vella da cidade. Merendamos na Praza da Ferrería e alí dímoslle de comer ás palomas. Logo pasamos por varias prazas máis (a da Verdura, a da Leña, a da Pedreira, a das Galiñas, a do Teucro..) ata chegar á Basílica de Sta. María. Desde alí fomos a Alameda onde nos esperaba o autobús. Tivemos sorte que non nos choveu.

RUTA " PASTORA - UMIA " (1º Ciclo Primaria)

O primeiro día de outubro, os nenos e nenas de 1º e 2º, collemos as mochilas coa merenda e fomos facer a ruta de senderismo “Pastora-Umia”.
Visitamos o monte da Pastora e vimos cómo o outono fai que as árbores e plantas muden o seu aspecto.
As cores das follas cambian, e, pouco a pouco caen, deixando espidas as nosas árbores.
O profe Mon explicounos un montón de cousas, e ata nos fixo unha coroa cunhas follas.
Tamén camiñamos pola beira do río Umia e vimos un corvo mariño comendo un gran peixe!
Tanto camiñamos... pero pasámolo moi ben e aprendimos moitas cousas, polo que animamos a todos os nenos e nenas a meter o bocadillo na mochila e descubrir novos camiños.
Un saúdo e ata a próxima!

VISITAMOS UNHA GOLETA (1º Primaria)

Un día as profes nos dixeron: “nenos: o día 7 de outubro, visitaremos unha “goleta” no porto de Tragove.”
Unha goleta?, que será eso?
Pois nada, o xoves os nenos e nenas de 1º, puxémonos en ruta e logo dunha longa camiñada, vimos un bonito barco chamado “Raquel C”, si, si, “Raquel C”.
Unha vez embarcamos, explicáronnos como aquel barco sucaba os mares izando aquelas veas tan bonitas e altas…
Mostráronnos os camarotes, a cuberta e ata manexamos o temón.
Cómo nos gustou esta aventura e o mellor de todo é, que agora somos auténticos grumetes!