EXPOSICIÓN INTERCULTURAL

Organizada polo Equipo de Biblioteca temos estes días nos corredores do cole unha interesante exposición de diversos obxectos, instrumentos, prendas de roupa... e demais utensilios de distintas culturas. A meirande parte foi cedida polas familias polo que, coma sempre, agradecemos a súa colaboración.

 

EXPOSICIÓN DE CASAS

Os nenos e nenas do Ciclo 2º  non paran de amosarnos as súas habilidades artísticas. Empezaron os de 4ºB que despois de ler o libro "Casas" de Paula Carballeira comezaron a facer modelos de diferentes tipos de casas tal coma xa nos contaban hai uns días en LECTORIÑO, pero agora xa se lle van unindo doutras clases e cada vez van aparecendo máis e cada cal máis orixinal ...

SAMAÍN - HALLOWEEN en San Tomé

Ano a ano a exposición de cabazas vaise superando en cantidade e calidade. Moitas gracias a nenos e familias pola vosa participacón.

EXPOSICIÓN FOTOGRÁFICA EN SAN TOMÉ

Baixo o título "LEMBRANZA DOS AVÓS" o Equipo de Normalización Linguística organizou unha preciosa exposición de fotos antigas de Cambados. Pódese visitar do 1 ó 23 de xuño con este horario: de 9 a 10 e de 13 a 13:45.
Agradecemos moitísimo a colaboración das familias que prestaron a maioría das fotos e así fixeron posible levar a cabo esta iniciativa.
Desexamos que sexa do agrado de todos e en especial dos avós de Cambados a quen vai adicada.

"A NAICIÑA" de ASOREY por 5º A

Este é un traballo feito polos alumnos de 5ºA sobre a figura de “ A Naiciña” do escultor Francisco Asorey. A escultura foi realizada polo alumno Jorge Leiro .
O cartel leva por título “Obradoiro de escultura Francisco Asorey” e foi presentado na exposición sobre o autor que se levou a cabo no IES Asorey e na que participaron todos os centros da zona.

EXPOSICIÓN MANUALIDADES DE OUTONO

Coma sempre en San Tomé que se pide colaboración ás familias para elaborar algún traballo, a participación foi enorme e de moitísima calidade. Hai verdadeiras marabillas. Valoramos tamén moito os traballos que sin quedar tan lucidos vese que foron feitos polos rapaces practicamente sos.
Moitas gracias a todos.

POSTRES DE OUTONO

É de obriga empezar agradecendo ás familias a súa magnífica colaboración, sin a cal esta actividade non se podería levar a cabo.Todo comenzou pedindo ós rapaces que con axuda da casa elaboraran e trouxeran ó cole receitas de postres feitos con productos típicos do outono: cabaza, mazá, marmelo, castañas... Estas receitas ademais de ben feitas tiñan que estar ben decoradas pois servirían para facer primeiro un mural e logo un receitario. Hai que dicir que as houbo preciosas, orixinais e sobre todo moi elaboradas.

Ademais da exposición das receitas organizouse no cole unha degustación dos postres.Para isto volvemos pedir a colaboración das familias, e de novo sobrepasáronse as expectativas.Houbo de todo: tarta de mazá, chulas de cabaza, flan de castañas... ata reventar!.Os rapaces foron baixando por niveis á degustación e a verdade é que todo lles encantou. Xa están pensando cando repetimos. DE NOVO GRACIAS ÁS FAMILIAS.