23 de ABRIL, DÍA DO LIBRO

O Equipo de Biblioteca non para e preparou estes paneis con motivo da celebración do Día do Libro ...

Mirade en LECTORIÑO que ben organizado tiñan todo ...

2 DE ABRIL, DÍA INTERNACIONAL DO LIBRO INFANTIL E XUVENIL

Escolleuse esta data, 2 de abril,  para conmemorar o nacemento de Hans Christian Andersen, autor de marabillosos contos para nenos. Con este libro LIM creado por Julia González G.   podemos coñecer moitas cousas sobre o autor, probade...

23 DE ABRIL, DÍA DO LIBRO

Con todo o material elaborado durante o curso sobre Rodari: contos, poesías, rimas, xeroglíficos, por ques, chistes, adiviñas, ata contos musicados... a profe Elvira gravou un vídeo no que cada grupo de rapaces amosaba o seu traballo.
O día 23 os nenos foron baixando ó hall de entrada para ver o vídeo no que eles eran os protagonistas; así puideron ver os seus traballos e máis os de tódolos compañeiros. Resultou unha actividade moi bonita.

SEMANA DOS LIBROS

Do 25 ó 29 de abril adicamos unha "semana dos libros"a dous escritores de Cambados: Ramón Caride e Mon Daporta. A este último moi en especial por ser un artista moi polifacético (escritor, debuxante, fotógrafo...) e sobre todo profe e compañeiro en San Tomé. Sabendo que este curso iamos traballar "Cambados" Mon fixo dous novos contos da rata Luisa ("A rata Luisa en Cambados" e "A rata Luisa no cole de San Tomé) que como era de esperar, foron un éxito tanto entre os rapaces coma entre os profes . Así pois con todo o material que tiñamos no cole sobre os dous autores o Equipo de Normalización montou unha exposición e a profe Elvira preparou unha montaxe audiovisual estupenda. Todo resultou moi ben e ainda que a Mon non lle gusta nada iso de figurar, para todos nós é un orgullo poder ter un artista en San Tomé. Gracias por todo Mon.

Día do libro

No colexio non quixemos que este día -tan importante para todos os lectores e as lectoras de San Tomé- pasara sen pena nin gloria, así que ademáis de ler na escola no escaso tempo cotiá que nos permite o Plan Lector, imaxinamos un novo planeta formado polos títulos dos libros que máis nos gustaron ó longo do ano presente e dos pasados, sen esquecernos das novidades editoriais que acaban de saír do maxín dos escritores/as de todo o planeta Terra. Ós máis lectores/as, a nosa noraboa, e para aqueles/as que remataron o seu primeiro libro ou que ainda están nas primeiras follas, todos os parabén e ánimos do equipo de extraescolares. Xa veredes como cada noite adurmiñades cun libro entre as sabas.