"A HORTIÑA DA PONTE" E A AGRICULTURA ECOLÓXICA

Promovida pola ANPA tivemos hoxe no cole a visita dos encargados de "A Hortiña da Ponte", un exemplo de agricultura ecolóxica, ubicada en Forcarei. Os nenos maiores recibiron unha charla na que puideron coñecer a creación e funcionamento desta horta, tipos de cultivos que producen e tamén as diferencias cunha horta convencional; os máis pequenos disfrutaron dun contacontos.

 

CHARLAS SOBRE DISTINTAS CULTURAS

Estas semanas están a ser moi especiais no cole porque estamos recibindo un montón de charlas sobre culturas diferentes á nosa, protagonizadas nada menos que por familiares, en especial nais, de alumnos  de San Tomé doutros países. Todos estamos encantados e dende aquí queremos agradecerlles o seu tempo, adicación e esforzo. Proba do éxito é que hai mención a esta actividade na meirande parte dos blogs do centro:

http://endlsantome.blogspot.com.es/
http://infantilsantome.blogspot.com.es/
http://bibliosantome.blogspot.com.es/
https://sites.google.com/site/sextobsantome/home/charlas-da-interculturalidade

AN ALFAYA EN SAN TOMÉ

O venres 10 de Xuño os alumnos de 2º ciclo recibimos a visita da escritora An Alfaya, de quen lemos varios libros. Ela contounos un conto, que moito nos gustou, titulado " O náufrago e a buguina", e tamén nos revelou como comezou a escribir a novela "Sireno, sireno". Fixémoslle moitas preguntas e pasámolo moi ben na súa compaña. Foi fantástico!

"O TRABALLO DOS DE ANTES CONSEGUIU A PAZ DOS DE AGORA"

Durante estas semanas viñeron varios avós a falarnos dos seus traballos: unha redeira, unha mariscadora e un mariñeiro.
Para 5º veu o señor Andrés Rey Cores.
Hoxe estivo connosco o avó de Sara para explicarnos un pouco a súa profesión de mariñeiro.
En principio fomos á clase de 5º B e nos sentamos para escoitar as contestacións das preguntas que lle estabamos facendo. El tiña moitas historias que a todos nos encantaron. Por fin chegou a hora, tocábame a min facerlle unha pregunta, non sabía cal preguntarlle porque tiña tantas... acabei por decidir, a pregunta foi:
Vostede cre que desaparecerán os mariñeiros? Contestoume cunha simple resposta: Non! Se desaparecesen os mariñeiros nadie podería vivir porque sen peixe morreriamos porque e necesario e fai falla para a nosa alimentación.
Contounos moitas cousas de cando estivo en barcos mercantes e díxonos os nomes dalgúns: Santos, Mar e Calma... seguimos preguntándolle e el seguíu contestándonos con moito gusto, foi moi amable connosco e de repente acabarase a charla , nos estabamos desilusionados porque queriamos seguir preguntándolle máis cousas pero démoslle as gracias por vir e darnos esa fabulosa charla.
LAURA GONZÁLEZ, 5º A