Excursión a Baión e á Ruta da Auga (1ºCiclo Primaria)

O pasado venres os alumnos de 1º e 2º de Primaria realizaron unha saída didáctica. Dous foron os destinos; comezaron no Pazo Baión, onde aprenderon todo sobre o proceso de elaboración do viño. Alí disfrutaron das espectaculares instalacións que ten o Pazo, e, grazas ao labor das monitoras, non quedaron con dúbida algunha.

Acto seguido desprazáronse ata a Ruta da Pedra e da Auga, entre Ribadumia e Meis, onde fixeron un tramo da mesma na zona da Aldea Labrega. 

A continuación tedes imaxes da xornada.

VOLTAMOS Ó COLE!!!

BENVIDOS DE NOVO A SAN TOMÉ! Xa vos esperamos cun montón de actividades para todos...

FELICES VACACIÓNS! VÉMONOS EN SETEMBRO!

AGORA SI QUE TEREMOS MOITO TEMPO PARA LER ...

DESPEDIMOS Ó PROFE TINO

O profe Tino deixa San Tomé por xubilación. Formou parte da vida deste cole durante motísimos anos e estivo sempre disposto a compartir, axudar, asesorar... nos bos momentos e tamén nos difíles e por iso ímolo botar de menos tanto os compañeiros coma os rapaces, cos que tiña unha conexión moi especial. Pero estamos seguros que a súa nova vida lle traerá tamén magníficos momentos e por iso alegrámonos por el e esperamos que isto non sexa unha despedida senón un ATA SEMPRE...

ÚLTIMO DÍA: XOGOS !!!!!!

DESPEDIMOS ÓS ALUMNOS DE 6º

Hoxe, un ano máis, despedimos a unha nova promoción que remata a Primaria. Para homenaxealos baixamos todos ó ximnasio e comezamos cunha proxección de fotos dende que chegaran a San Tomé, alá por Infantil; para todos é moi emocionante velos tan pequeniños. A continuación fíxoselles entrega dos diplomas e fotos así como un agasallo por parte da ANPA. Logo os protagonistas fixeron a súa actuación tocando e cantando a canción de "Titanic". Os alumnos de 5º tocaron coa flauta "Adiós con el corazón " e por último todos lles cantamos "Amigos para sempre". Entre sorrisos e algunha bágoa cremos que disfrutaron da homenaxe; os que seguimos en San Tomé dende logo que si e esperamos que todo lles vaia moi ben, que sigan traballando moito e sobre todo que sexan boas persoas .
NON VOS ESQUEZADES DE NÓS PORQUE AQUÍ SEMPRE VOS LEMBRAREMOS...

REVISTA ESCOLAR O ECO DE SAN TOMÉ

Open publication - Free publishing - More cambados

LETRAS GALEGAS 2012, VALENTÍN PAZ ANDRADE (1.898 - 1.987)

AQUÍ TENDES MOITAS ACTIVIDADES E XOGOS...

23 DE ABRIL, DÍA DO LIBRO

Con todo o material elaborado durante o curso sobre Rodari: contos, poesías, rimas, xeroglíficos, por ques, chistes, adiviñas, ata contos musicados... a profe Elvira gravou un vídeo no que cada grupo de rapaces amosaba o seu traballo.
O día 23 os nenos foron baixando ó hall de entrada para ver o vídeo no que eles eran os protagonistas; así puideron ver os seus traballos e máis os de tódolos compañeiros. Resultou unha actividade moi bonita.

ANXO MOURE EN SAN TOMÉ

O venres 16 tivemos en San Tomé a sorte de contar coa presencia de Anxo Moure, o contador de CONTOS SOLIDARIOS, coñecido como o “ECOPACIFISTA” de Chantada, ou o “ATRAPADOR DE CONTOS” que axudou a promover os proxectos PAPAVENTOS ou BICIS POLA PAZ.
Chegou montado no seu PAZTINETE e nos fixo disfrutar da súa peculiar maneira de contar contos utilizándoos como unha ferramenta para cambiar o mundo, denunciando as inxusticias e potenciando valores como a paz, o amor, a solidaridade, o cuidado da natureza...

DESFILE E BAILE DE ENTROIDO

Agradecemos moito ás familias a súa colaboración cos postres de Entroido.

CELEBRAMOS O DÍA DA PAZ

O luns 30 de Xaneiro saímos todos ó patio para conmemorar o Día da Paz.
Cantamos a canción "Que vivan tódalas razas" e fixemos,como xa é tradicional en San Tomé, a solta de pombas e do globo.